終於輪到「奇妙處處通」嘅會員參加「灰熊山谷 預演日」 ，希望園方吸收過今次嘅經驗後不會再以抽獎嘅方式去安排MA參加「預演日」或者係同類型嘅活動啦！
入口處已經放置咗一架爆谷車，而爆谷車嘅外型亦都非常配合西部小鎮嘅特色，值得一讚！呢架爆谷車將會售賣蜜糖芥末以及焦糖味道嘅爆谷！
「幸運噴泉」，補返日間嘅相片與大家分享！像真度真的極高，配服WDI！
又一detail位，向三隻為山谷居民帶來好運嘅灰熊致敬！
而喺「灰熊山極速礦車」方面，園方喺接近Attraction入口嘅等候區位置入面嘅通道作出咗少少改動，藉此令到大家可以走進採礦公司嘅Office 參觀一下。
另外，值得一提嘅係當大家上山時，在蒸汽機後會見到一個 "Cable Never Fail Company" (繩索永不斷裂公司)嘅Logo，但事實上就......
更新一張 Mickey 與 Minnie 西部look嘅相片俾大家欣賞！
而為咗迎接「灰熊山谷」於7月14日正式開幕，今星期嘅樂園時間表亦都換上新裝！
打開內頁，可見有「灰熊山谷」嘅遊樂設施以及誤樂表演的簡介。
而「米奇水花巡遊」嘅巡遊路線圖以及乾爽區位置圖則縮少咗！
貼纸 ~
「灰熊山谷」將於7月14日正式開幕，各位僅記攞齊淘金工具準備飆上灰熊山啦！而最後值得一提，在GG裡都有隱藏米奇(Hidden Mickey) 架，當中更加有一隻係隱藏米妮添！各位下次進入GG時不妨可以嘗試尋找一下Hidden Mickey 啦！
Hong Kong Disneyland Resort
COMMENTS