Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2012年8月4日 星期六

電影動畫的製作心血盡顯其中 ------ 與彼思動畫攝影構圖指導 林敬雄先生(Patrick Lin) 會面!

昨日,本blog 有幸獲華特迪士尼公司(亞太區) 嘅邀請與有份參與製作迪士尼 • 彼思動畫最新電影《勇敢傳說之幻險森林》(Brave) 嘅攝影構圖指導林敬雄先生(Patrick Lin)見面,大談電影的製作過程!透過呢次活動使我更加明白到製作一部電影動畫並非一件簡單嘅事情。而當中更花了好多人嘅精神、技術以及時間才能夠將一部電影動畫完成。難怪"Brave"亦需要花咗成 6年嘅時間才可以在大銀幕上與大家見面。



今次嘅活動地點設於WDC辦公室中嘅休息室,而當走進休息室中已看見Patrick 以上身為"Brave"嘅logo T-shirt、下身為蘇格蘭裙嘅打扮來歡迎各位blogger。

3D嘅目的係咩?Patrick(右面) 講到就係要令觀眾融入故事,而並非排山倒海嘅3D特效令觀眾睇到頭都暈埋。冇錯!電影的魔力最重要嘅係精彩的storytelling,透過角色嘅表現以 及不同嘅場景等元素來帶領觀眾走進電影嘅故事,這便是一部電影嘅成功之處。而Pixar又如何帶領觀眾走進電影嘅故事呢? "Pixar Pipeline"可以俾到您一個答案。


 Pixar 要製作出一部出色嘅電影動畫,最重要嘅第一步就係Storyboards,亦即是動畫嘅劇本。將故事的每一部分情節重點大致地表達出來 (下圖為Pixar 嘅官圖)。


隨後就要經過 Camera & Staging (Layout;攝影及舞台) 的工序來構思環境以及設定拍攝的角度,隨後將簡單的3D角色放進設定的場景裡以留意拍攝出黎的效果係怎樣的。而接著就係Animation (動畫),亦即是電影動畫中的演員,將簡單的3D角色變得更加detail (但此刻仍未增添毛髮)!再經過Simulation 以及 Lighting (模擬與燈光) 的工序後,一幕幕精彩而生動嘅電影動畫就活現係大家眼前!


Patrick亦提到,呢部電影動畫最困難嘅地方就係一眾角色的頭髮。以梅莉達公主(Merida)為例,佢捲曲嘅頭髮加上她快速的動作,配合埋囗形一齊 其實都需要花4個月嘅時間才可完成約1分鐘嘅動畫。在此真的十分佩服一眾參與動畫製作的工作人員!而為了令呢部電影更具真實感,Pixar的一眾動畫師們 更會去學習騎馬以及躬箭,務求峙最真實嘅一面呈現與大家眼前!


咁電影動畫中嘅場景有冇用模型砌出黎呢?答案係有的。好似"Brave"入面座 castle以及 "Up" (沖天救兵)入面卡叔間飛天屋,其實都係有整模型出黎以助一眾動畫師們製作電影動畫架!


另外,其實今次活動係WDC聯同HKDL所舉辨嘅。所以,今日園方於當日亦派出PR嘅同事到場參與活動,從中除咗有機會可以直接俾我地表達意見外(e.g.有關GG預演日抽籤的安排等)。活動當中園方亦有一個小驚喜帶俾大家,睇睇下圖估下先!


冇錯啦!小Merida 已經俾了個答案大家啦!香港迪士尼度假區的全新遊樂設施「魔法化妝廳」(Bibbidi Bobbidi Boutique) 將會於八月尾隆重登場!好開心園方可以俾fans先睹為快知道呢個消息!

詳情:

1. 皇冠系列 HK$580(原價為HKD $730)
包括 髮型設計、指定公主皇冠、飾帶、閃爍化妝、手部美甲及8x10吋精美照片乙張,並隨相附送精美相片封套乙個。

2. 城堡系列 HK$1,180(原價為HKD $1,608)
包括 髮型設計、尊貴皇冠、公主禮服、飾帶、指定配飾、閃爍化妝、手部美甲及8x10吋精美照片乙張,並隨相附送精美相片封套乙個。


小公主適合年齡:3-12歲


而今日亦令大家高興嘅嘢仲有佢地 (留意GG張poster已將前名"Grizzly Trail" 改名為"Grizzly Gulch"啦!) ~



以下為是次活動的紀念品!最後,在此衷心感謝華特迪士尼公司以及香港迪士尼樂園度假區俾本blog 嘅編輯一個好好嘅機會來讓我細看電影動畫的製作過程!希望日後會有更多同類型嘅活動俾fans啦!


 迪士尼 • 彼思動畫電影《勇敢傳說之幻險森林》8月9日正式上映啦!您準備好去冒險未呀?



Disney, Pixar, Hong Kong Disneyland Resort

沒有留言 :

張貼留言