Blog Banners

歡迎到訪本網誌!  |  Welcome to visit this blog!

2013年5月14日 星期二

「迷離莊園 預演日」 ------ 率先展開奇幻之旅!(The Sneak Peek of Mystic Point!)

喺開始分享之前,先提醒各位讀者:

本篇網誌將會簡單地介紹「迷離莊園」嘅所有設施,如  閣下希望keep magic
而保持對本主題園區之新鮮感的話,歡迎您於日後再瀏覽本篇網誌。


等咗近五年,終於可以踏進呢個「鎮園之寶」啦!


樂園由四月尾開始至今經已安排咗多日嘅預演日活動,本blog 希望園方喺將來就參與預演日活動嘅方法可以加以改善,唔好再抽籤啦!而以下就係於預演日中所派發嘅小册子:

 
 
見證樂園不斷成長!


「迷離大宅」(Mystic Manor)
「迷離大宅」係「迷離莊園」最主要嘅遊樂設施,而全個主題園區嘅故事就係講述莊園嘅主人亨利爵士(Lord Henry Mystic) 係一位大名鼎鼎嘅探險家,佢最鍾意收藏位於世界各地嘅奇珍異品,並且將啲珍藏擺放曬去佢位於熱帶雨林嘅莊園裡面。有一次喺巴布亞新幾內亞嘅旅程中,亨利爵士見到一隻小猴子被一個巨型蜘蛛網纏住,於是佢就去拯救呢隻小猴子啦!而亨利爵士(Lord Henry Mystic) 同阿拔(Albert) 就係因此而認識對方,並且成為最好嘅拍檔。






 與此同時,亨利爵士 亦都係「探險家‧冒險家學會」(The Society of Explorers and Adventurers) 嘅其中一位創會成員。而亨利爵士 為咗俾更多嘅探險家以及冒險家去欣賞佢嘅珍藏,故此佢就決定開放位於大宅下嘅地下室去俾大家踏進呢個收藏量超過7,000件嘅私人博物館 (仲係全球最大嘅私人博物館添)!



作為一位探險家或冒險家,亨利爵士 將會邀請您乘坐由佢親自發明嘅全自動座駕「迷離莊園電磁廂車」(Mystic Magneto-Electric Carriage) 去參觀各個展覽區。原本大家都只係嚟到欣賞亨利爵士嘅珍藏。只不過,頑皮嘅阿拔卻打開咗相傳有神奇力量嘅魔幻音樂盒,並且釋放出擁有神奇力量嘅「音樂星塵」。「音樂星塵」觸碰過嘅死物均會被賦予生命,令到博物館嘅展品全部活現起來!而好奇嘅阿拔就會跟住您去遊覽整個博物館,體驗一次前所未有嘅奇幻歷程!



「迷離大宅」係「迷離莊園」中嘅一座地標式建築,當中充滿住富有維多利亞風格嘅設計。而當中更糅合咗世界各地嘅建築特色 (例如莫斯科圓形樓塔設計等),充份體現出亨利爵士周遊列國嘅豐富經歷。



「迷離大宅」中採用咗四座最新放計嘅4K級別超高清投影機,炮製出40款視覺嘅特效。配合環轉車架嘅「迷離莊園電磁廂車」,任何時候均可作出全方位移動,隨時引領大家聚焦最精彩的故事部分,猶如置身喺私人式嘅移動劇院!


參觀「迷離大宅」前,大家都會喺裝卸區 (Loading Dock) 中見到剛剛從「迷離莊園車站」(Mystic Point Freight Depot) 運往大宅嘅展品。



喺室內排隊區內,大家可以見到亨利爵士阿拔嘅畫像以及更多有關佢哋嘅故事。



而大家亦都可以見到整個莊園嘅模型!
  


演講廳 (亦稱為Pre-show Room)


 喺演講廳聽完亨利爵士嘅介紹後,大家將會乘坐由佢親自發明嘅全自動座駕「迷離莊園電磁廂車」(Mystic Magneto-Electric Carriage) 去參觀各個展覽區。您知道嗎?呢架電磁廂車曾經喺1900年位於法國 巴黎嘅「世界博覽會」中展出過,當中更得到一等獎嘅殊榮添!



展品收編室 (Acquisitions & Cataloguing)

當猴子阿拔打開咗亨利爵士最新收藏嘅魔幻音樂盒時,擁有神秘力量嘅「音樂星塵」因此而被釋放出來!



樂器室 (Music Instruments)



地中海古物室 (Mediterranean Antiquities)



日光温室 (Solarium)



北歐室 (Slavic-Nordic Chamber)



兵器及盔甲室 (Arms and Armor)



埃及古物室 (Egyptian Antiquities)



部落工藝室 (Tribal Arts)



中國沙龍室 (Chinese Salon)




展品收編室 (Acquisitions & Cataloguing)


「音樂星塵」帶領大家回到「展品收編室」,阿拔隨即捉碰位於魔幻音樂盒上嘅紅寶石將「音樂星塵」全都收回令一切回復正常。而亨利爵士亦都唔知道剛才所發生過嘅事情。




「迷離珍藏店」(The Archive Shop)
離開大宅後,大家會嚟到充滿各國特色嘅「迷離珍藏店」。店內嘅「迷離莊園」精品系列圍繞四個特色主題,包括「迷離莊園」主題、米奇家族冒險主題、來自世界各地的迪士尼樂園精品以及各國工藝精品,合共超過140款主題商品任您去選擇!




「奇幻庭院」(Garden of Wonders)

喺「迷離大宅」外嘅「奇幻庭園」,亨利爵士就放置了多件3D立體錯視效果嘅古代雕塑及畫作。只要大家從特定嘅角度去欣賞就能揭開箇中奧秘!



「大冒險家餐廳」(The Explorer's Club Restaurant)
「大冒險家餐廳」喺亨利爵士招待各國來賓嘅主要場所。餐廳共分為中國摩洛哥印度俄羅斯埃及 五個主題區,提供16款特色美食,而當中可容納500位賓客,其中100個是室外座位。大家可以一邊觀賞特色裝潢,一邊細嚐各地美食。








重點推介!首次引入樂園嘅發光特飲「藍莓奧秘」!



位於「大冒險家餐廳」對出嘅地面亦都印有「迷離莊園」嘅簡稱"MP"!



「迷離莊園世界民族大使見面會」
(Mystic Point Ambassador Announcement and Meet & Greet)
「迷離莊園車站」(Mystic Point Freight Depot) 係為亨利爵士運送世界各地珍藏品而設既。亨利爵士嘅姪孫更會喺車站上分享跟爵士周遊列國嘅奇趣經歷,並會邀請旅途上遇到嘅朋友與大家見面。呢班文化大使來自埃及保加利亞北美洲印度墨西哥,並將以富有民族特色的服飾及扮相出現,凸顯了「迷離莊園」嘅異國風情色彩。



而今年亦有幸參加"Cast Family Fun Night",藉此可以同大家率先分享「迷離莊園」嘅夜景。



「迷離莊園」主題貼紙:



本blog將會於「迷離莊園」正式開幕後再為大家深入地介紹本園區以及當中嘅故事,敬請期待!與此同時,"Inside the Magic" 亦喺不久之前發佈咗兩段由「迪士尼幻想工程師」們介紹整個「迷離莊園」嘅片段,keep magic者慎看!


影片 (Videos):Disney, "Inside the Magic"




Walt Disney Imagineering, Hong Kong Disneyland Resort

沒有留言 :

張貼留言