繼上年嘅「奇妙盛宴」後，園方再一次舉辦答謝「奇妙處處通」會員嘅活動。而今次呢個晚會其實就係「奇妙處處通 會員專享晚會」（2011年）嘅加強版，因為今次嘅活動範圍係整個樂園！事不宜遲，宜家就開始同大家分享「奇妙處處通 仲夏夜『奇』薈」！
是次活動於2013年8月30日（星期五）以及 2013年8月31日（星期六）舉行，而每一位能夠參加活動嘅「奇妙處處通」會員均會獲得一份活動指南。
你準備好未呢？
「奇妙處處通 仲夏夜『奇』薈」嘅獨家表演節目以及與迪士尼朋友M&G 嘅地點遍佈整個樂園。而獨家表演節目方便就有以下三個：
1. 怪獸大學啦啦隊 (Monsters University Pep Rally)
2. 奇妙今晚夜 (Access the Magic)
3. 獅子王慶典尊貴特別場 (Exclusive Festival of the Lion King)
另外，參加者均會獲贈一張雪條換領劵，大家可以喺呢個炎炎嘅夏日消消暑！
而參加者亦會獲得一張活動證件以作識別，下圖左方為第一晚嘅活動證件，而右方則為第二晚嘅活動證件。
相信最具紀念價值嘅活動紀念品莫過於就係以下呢個徽章，因為呢個徽章只係送俾於早前受到通知獲邀出席今次活動嘅「奇妙處處通」會員先至可以得到！徽章上印有"Magic Access Exclusive" 以及 "Appreciation Evening 2013" 嘅字詞，再加上以星塵作為背景嘅底紙，別具收藏價值！
商品售價﹕此為非賣品 (Not for sale)
商品編號：P389-7448-2-13206
徽章背面之資料：
Disney Pin Trading Official Logo 2013
Hong Kong Disneyland Official Logo
©DISNEY
P389-7448-2-13206
怪獸大學啦啦隊 (Monsters University Pep Rally)：
呢個show 嘅表演服裝以及背景音樂都係嚟自Disney California Adventure "Pixar Play Parade" 中嘅Monsters University Float，能夠喺HKDL 見到同聽到都係一個好難忘嘅驚喜。而「毛毛」同「大眼仔」亦都有參與演出並且喺表演完後隨即與賓客M&G！
奇妙今晚夜 (Access the Magic)：
呢兩晚喺「故事劇場」入面傳出不少歡呼聲，因為參加者喺劇場入面欣賞另一個別有心思嘅演出，可見園方十分重視是次活動。而香港迪士尼樂園度假區行政總裁金民豪先生更加喺呢兩晚嘅第一場表演上致詞。另外，仲有「米奇家族」Fab 8 成員首次着曬Golden Mickeys 嘅服裝喺台上表演呀！
獅子王慶典尊貴特別場 (Exclusive Festival of the Lion King)：
呢兩晚只有一場"Festival of the Lion King"，而金生亦有喺表演上致詞。由於兩晚第一場嘅「奇妙今晚夜」均於晚上8:15 開始，而「獅子王慶典」就係晚上9:00 開始。故此金生要喺「故事劇場」入面致詞完畢後就要立即過嚟「原野劇場」呢一邊，真係辛苦曬金生！呢個尊貴特別場主要喺開頭有鼓手同大家互動以及有香港迪士尼樂園度假區行政總裁金民豪先生同埋親善大使劉旭鵬先生帶同「米奇家族」嘅成員喺表演開始前與大家見面。之後就輪到「獅子王慶典」正式開始啦！雖然表演內容與平時一樣，但本blog 都在此感謝一眾「演藝人員」嘅落力演出！辛苦曬你哋！
終於都講到M&G 啦！各位先生、女士、小朋友，請歡迎艾莉奧公主(Princess Ariel) 首次與賓客 M&G！
Ariel 嘅親筆簽名！
再遇愛斯梅達(Esmeralda)！
能夠喺「廣場飯店」(Plaza Inn) 呢個「老地方」外面再次見到花木蘭(Mulan) 真係好開心，同場仲有木須(Mushu) 添！順帶一提，「廣場飯店」係以電影《花木蘭》爲設計靈感嘅中式餐廳。 而第二晚由於受到落雨嘅影響下，大部份嘅「迪士尼朋友」都需要搬去「夢想花園」M&G！
「小小世界」前有皮諾丘(Pinocchio) 以及 蟋蟀占美尼(Jiminy Cricket)！
Golden Mickeys版嘅米奇以及米妮，大家可以再一次同佢地M&G！
小熊維尼(Pooh) 以及 跳跳虎(Tiger)！
仲有巴魯(Baloo) 以及路兒(Louie)！
而喺晚會期間亦有特別嘅投射影像。
難得留到咁夜就當然要影返幾張夜景先至好走啦！
奇妙 • 因你而延續！
Hong Kong Disneyland Resort
COMMENTS