「迪士尼雪亮聖誕 2013」 之 「灰熊手偶劇場」！

終於講到最後一個「戲偶劇場」喇！今年聖誕，一班西部旅客喺「灰熊山谷」(Grizzly Gulch) 入面為大家呈獻「灰熊手偶劇場」，當中會用手偶生動訴說熊寶寶“Nugget” 嘅冬日願望(The Winter Wish of “Nugget”)！

手偶劇場設於與「灰熊山谷迎賓禮」相同嘅表演地點。

一眾「演藝人員」會喺表演開始前將一啲道具放置喺架馬車前。

而其中一位西部旅客會擔任喺表演中嘅司儀！

又見到木匠Cutwell 先生喇！ 

準備好聽故事未呢？

喺開始前，大家先可以幻想一下呢度滿天都係星星！

熊媽媽"Mother Lode" 以及熊寶寶"Nugget" 出場喇！

而為咗實現熊寶寶“Nugget” 嘅冬日願望 (想要一顆聖誕樹)，一眾動物朋友都搞盡腦汁去幫佢！首先，有一條大蟒蛇拎咗一棵仙人掌俾佢。

然後，有一隻藍鳥整作一啲聖誕裝飾俾佢。

幸運狗Lucky 終於現身喺「灰熊山谷」喇！由於熊寶寶“Nugget” 話顆樹上面差啲閃令令嘅嘢，所以Lucky 就拎咗兩嚿金石放喺棵樹上面。順帶一提，Lucky 嘅名字係源自佢成日都會幫到小鎮上嘅居民揾到金石，而當中所揾到嘅最大嚿金石正正就係放咗喺「金石檢測所」門前。

最後，一隻松鼠將喺佢手上最珍貴嘅橡果放喺棵仙人掌最頂處以代表喺聖誕樹上果粒星星！

終於都實現咗熊寶寶“Nugget” 嘅冬日願望喇！而奇妙嘅事情正正喺此刻發生，「灰熊山谷」竟然落雪呀！

 

“Nugget” 終於都肯去冬眠喇！

謝幕時間！

今年呢三個「戲偶劇場」都各具特色，希望下一年會更加精彩。


下一次將會向大家介紹「迪士尼雪亮聖誕 2013」嘅最後一個季節性表演 ------
「大街閃雪亮燈」！



Hong Kong Disneyland Resort