Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2013年12月29日 星期日

Disney Infinity ―― 想像‧從此無限制!


Disney Infinity 由八月中推出至今,呢個遊戲都為大家提供咗一個平台去將心中嘅迪士尼世界一一呈現出嚟!究竟當「毛毛」遇上「超能先生」嘅時候會點呢?而當「南瓜王」阿積遇上「哨牙嘜」嘅時候又會點呢?答案由您逐一去發掘!

喺開始玩呢個遊戲之前,大家需要先購買一套「起跑組合」(Starter Pack),組合裡面包含咗一隻遊戲光碟、三隻「迪士尼朋友」人偶(Figures)、一隻隨機分派嘅「能量磁碟」(Power Disc)、一個含有三個「遊戲組合」(Play Set) 嘅「地標模型」(Play Set Piece) 以及一個「Disney Infinity 基地」(Disney Infinity Base)!


「Disney Infinity 基地」(Disney Infinity Base):

以下呢個就係「Disney Infinity 基地」,而大家只要將一隻「迪士尼朋友」嘅人偶以及「地標模型」放喺基地上面就可以啟動遊戲 (當然要放埋果隻遊戲光碟入部遊戲機內)!


「起跑組合」(Starter Pack) 中嘅「迪士尼朋友」人偶(Figures):

喺所有「起跑組合」裡面均含有以下三隻人偶,當中包括「超能先生」(Mr. Incredible)、「積克船長」(Jack Sparrow) 以及「毛毛」(Sulley)。


「地標模型」(Play Set Piece):

喺「地標模型」中載有所屬「迪士尼朋友」嘅「遊戲組合」(Play Set),其內容均以原裝電影故事為主軸以及背景,當中包括《怪獸大學》、《加勒比海盜》、《超人特攻隊》、《反斗車王》、《獨行俠》以及《反斗奇兵》。大家只要將「地標模型」放喺「Disney Infinity 基地」上面就可以進入相關「迪士尼朋友」嘅世界,而玩家會化身為遊戲嘅主角,從中破解各種難關、挑戰特別任務以及獲取「玩具箱」(Toy Box) 中嘅「玩具」!


其它週邊產品:

除咗上面介紹過嘅三款人偶之外,大家亦可購買其它嘅「迪士尼朋友」人偶,而儲齊一套的話更加可以喺不同嘅「遊戲組合」(Play Set) 獲得更多「玩具箱」(Toy Box) 中嘅「玩具」添!

1. 《反斗車王》「遊戲組合」(Play Set)

2. 《獨行俠》「遊戲組合」(Play Set)

3. 《反斗奇兵》系列

「遊戲組合」(Play Set)

「警長」胡迪(Woody) 人偶

4. 《魔雪奇緣》「玩具箱 遊戲組合」(Toy Box Pack)

5. 「南瓜王」阿積(Jack Skellington) 人偶


遊戲主頁介面:

當大家將「地標模型」放喺基地上面嘅時候就可以喺主頁上選取相關嘅「遊戲組合」(Play Set),而各位亦可選擇進入「玩具箱」(Toy Box) 去創造屬於您嘅迪士尼世界!


《怪獸大學》「遊戲組合」:


《加勒比海盜》「遊戲組合」:


《超人特攻隊》「遊戲組合」:


《反斗車王》「遊戲組合」:


《獨行俠》「遊戲組合」:


《反斗奇兵》「遊戲組合」:


「能量磁碟」(Power Disc):

另一方面,大家亦可喺市面選購額外嘅「能量磁碟」。磁碟嘅功能就係可以增強工具嘅能量以及改變「玩具箱」中嘅背景和主題!當中分為以下三款磁碟:

1. Ability Discs (增強人物以及工具嘅能量)
2. Toy Discs (特別嘅玩具,如「馳車天地」中嘅汽車)
3. Customization Discs (改變背景和主題)

現時只推出咗兩個系列嘅「能量磁碟」,想儲齊的話就要努力啲啦!

擺放方法好簡單!只要按照磁碟嘅形狀放喺基地上面就可以啦!而大家亦都要記得放返一隻人偶喺圓形嘅磁碟上面喎!


「玩具箱」(Toy Box):

成個遊戲嘅重點當然就係呢個「玩具箱」啦!此「玩具箱」嘅概念係來自《反斗奇兵 3》嘅電視遊戲。喺「玩具箱」入面只有一個遊戲規則就係冇規則!大家只要運用自己嘅想像力就可喺當中將您天馬行空嘅想法變為現實


下載官方提供嘅「玩具箱」:

順帶一提,大家會喺「起跑組合」、「遊戲組合」以及人偶商品裡面發現一張印有個別網上密碼(Web Codes) 嘅硬卡,當中可以喺https://infinity.disney.com/  解開更多嘅遊戲內容。而如果大家擁有平板電腦iPad 的話更加可以喺App Store 下載"Disney Infinity Toy Box App",咁樣您就可以隨時創作自己迪士尼世界喇 (下載網址:http://bit.ly/1gYHduu)!



即將登場:


「玩具『反』斗城」特別版「能量磁碟」以及人偶:


準備好去運用您嘅想像力未呀?



"If you can dream it, you can do it!" ―― Walt Disney



Disney. All Rights Reserved.

沒有留言 :

張貼留言