Blog Banners

歡迎到訪本網誌!  |  Welcome to visit this blog!

2014年2月28日 星期五

HKDL 擴建直擊報導 (2014年 2月號)

雖然由Yahoo! Blog 系統搬到過嚟blogspot 嘅時侯曾經同大家講過昔日嘅《HKDL 擴建直擊報導》主題文章已經成為咗歷史,但係本blog 就已經喺早前透過Facebook 專頁同大家分享返幾張值得保留嘅相片。而適逢「鐵甲奇俠飛行之旅」(Iron Man Experience) 嘅前期準備工程已經正式展開,全新嘅《HKDL 擴建直擊報導》主題文章就喺本月正式登場!


究竟《HKDL 擴建直擊報導》同喺一月份推出嘅《香港迪士尼樂園内的工程》主題文章有乜嘢分別呢?其實前者就主要同大家分享返同樂園擴建項目相關嘅工程進度,而後者則係以每月總結嘅形式嚟記錄返樂園内大大小小嘅工程 (未必同樂園擴建項目有關)。


「美國小鎮大街」以及「幻想世界」
Main Street, USA &  Fantasyland

1. 香港迪士尼樂園鐵路 (Hong Kong Disneyland Railroad)

為配合「鐵甲奇俠飛行之旅」(Iron Man Experience) 嘅建造工程,「香港迪士尼樂園鐵路」已經喺2014年2月17日暫停服務。因此,大家要到2015年初先可以再坐返火車喇!


明日世界
Tomorrowland

1. 「鐵甲奇俠飛行之旅」(Iron Man Experience)

位於建造「鐵甲奇俠飛行之旅」嘅位置就已經喺2月17日加上咗圍欄以防止賓客走入去工程範圍入面。

到時應該會見到以下呢座建築物起咗喺上圖嘅位置。

左圖攝於2014年2月16日,而右圖則攝於2014年2月17日。

以下呢幾張相片為近日嘅情況:


2. 「馳車天地」(Autopia) 地標式建築物

左圖攝於2014年2月16日,而右圖則攝於2014年2月17日。

原本放咗架車喺度嘅位置已經被封起咗 (攝於2014年2月17日)!

而呢個位置就喺近日就變成咗一堆枯葉喇!



3.「巴斯光年星際歷險」快速通行卡服務 (The Buzz Lightyear Astro Blasters FASTPASS service)

為配合「鐵甲奇俠飛行之旅」(Iron Man Experience) 嘅建造工程,「巴斯光年星際歷險」嘅快速通行卡服務由2014年2月17日起至2016年底期間暫停服務。

上圖(即係見到機械人果張) 攝於2014年2月16日,而下圖則攝於2014年2月17日。

而近日就出現咗些少變化,大家可以見到有紅圈圈住果部快速通行卡機器已由機械人變為長方柱!

另外,用嚟顯示快速通行卡指定時段嘅時鐘已經喺2月17日被封起咗喇!

此圖則攝於2014年2月17日:

近日情况 (部份設喺FASTPASS 排隊區內嘅圍欄已被移除):


4. 洗手間 (「巴斯光年星際歷險」旁)

設喺「巴斯光年星際歷險」旁嘅洗手間已經喺2014年2月17日暫停服務。


5. 戶外銷售亭

兩個原本設喺「巴斯光年星際歷險」附近嘅戶外銷售亭已於二月中嘅時候被遷移到「彗星餐廳」(Comet Cafe) 旁嘅位置。

原本呢個位置係放咗一個設有機械人頭部裝飾嘅戶外銷售亭,但果個銷售亭已經被其中一個由喺「巴斯光年星際歷險」附近遷移過嚟嘅戶外銷售亭取代咗喇!

為咗方便大家去理解上面嘅描述,以下呢張圖就標示咗變化前以及變化後嘅位置。


6. 「馳車天地」(Autopia)

園方已經喺「馳車天地」(Autopia) 嘅排隊區內加上咗淺藍色嘅布幕以為「鐵甲奇俠飛行之旅」(Iron Man Experience) 建造工程做好準備!



Hong Kong Disneyland Resort

沒有留言 :

張貼留言