Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2014年4月20日 星期日

電影觀後分享:《美國隊長 2》

Marvel《美國隊長 2》(CAPTAIN AMERICA:THE WINTER SOLDIER) 已經上映咗一段時間喇!喺時候同大家分享一下當中嘅內容以及影評。


注意!以下內容含有劇透成份,keep "magic" 者敬請留意!

"Don't trust anyone!"

今集做得好嘅地方莫過於係電影嘅情節安排,小編最初都以為今集都只係得超級英雄同敵人打鬥,但估唔到成件事竟然係捲入咗Hydra 嘅世紀大陰謀入面,而呢件事亦都令所有人難以去相信對方嘅言行。

故事入面會見返唔少熟悉嘅面孔,但原來有部分嘅人都係Hydra 嘅成員,當中亦包括咗第十級嘅特工!

大家喺今集除咗可以見到「神盾局」(S.H.I.E.L.D.) 全新嘅總部「Triskelion」之外,大家亦有機會目睹 3艘全新設計以及具備由「鐵甲奇俠」東尼史達(Tony Stark) 所提供嘅新型衝擊波引擎嘅「升空母艦」(Helicarrier) !可惜最終都係乜都冇曬!


是友是敵

今集嘅其中一位敵人就係「寒冬戰士」,相信睇過第一集嘅讀者應該都會記得Bucky 就係「美國隊長」嘅朋友,而今集嘅對決亦都令到隊長處於兩難嘅狀態。


前後呼應

Marvel Studios 所出品嘅電影一直都有互相呼應,而今集除咗可以俾隊長見返佢嘅女朋友之外,當中(特別係片尾果兩段神秘片段) 亦都交代咗些少喺未來嘅故事發展。唔知道大家有冇喺電影入面聽到「奇異博士」(Doctor Strange) 呢個名嗎?另外,唔知道大家又有冇喺電影入面見到新嘅Avengers' Tower 呢?

值得一提嘅係宜家就快播完第一季嘅《Marvel's Agents of S.H.I.E.L.D.》電視劇集嘅內容亦都係好似《雷神奇俠 2:黑暗世界》一樣係承接住電影故事嘅發展,而第一季嘅最後幾集更加會將劇情帶入另一個高潮!小編真係好欣賞呢套電視劇嘅情節一直都可以承接住電影故事嘅內容而去發展!

究竟電影嘅故事會發展成點呢?期待快將上映嘅《復仇者聯盟 2》以及將於2016年上映嘅第三集《美國隊長》!


Easter Egg

適逢係復活節長假期,Marvel 官方亦都準備咗啲提示俾大家喺電影入面尋找果10隻「復活蛋」!



Disney, Marvel

沒有留言 :

張貼留言