Blog Banners

歡迎到訪本網誌!  |  Welcome to visit this blog!

2014年5月31日 星期六

電影觀後分享:《黑魔后:沉睡魔咒》

電影《黑魔后:沉睡魔咒》(Maleficent) 已經正式上畫喇!唔知道大家又睇咗未呢?嚟到本blog《電影觀後分享》系列嘅第二篇網誌,今次就同大家分享一下《黑魔后:沉睡魔咒》嘅內容以及影評。

注意!以下內容含有劇透成份,keep "magic" 者敬請留意!



《睡公主》與「黑魔后」

雖然呢齣電影嘅主角「黑魔后」瑪琳菲森(Maleficent) 係嚟自動畫電影《睡公主》(Sleeping Beauty),但係當中嘅大部分故事內容其實係改編曬動畫電影《睡公主》嘅原有故事。由部分角色嘅名稱以至角色之間嘅關係,呢啲內容都係有別於動畫電影《睡公主》。另外,呢齣電影亦提及到「黑魔后」嘅故事(一位守護魔境王國嘅仙子) 以及點樣成為一位奸角。

講開角色名稱嘅轉變,除咗Maleficent 嘅中文譯名由「黑巫婆」變為「黑魔后」之外,當中較為明顯嘅就係以下呢三位仙子亦由係動畫入面嘅「翡翠仙子」(Flora)、「花拉仙子」(Fauna) 以及「藍天仙子」(Merryweather) 改名為宜家嘅菲素蕙(Thistlewit)、洛嘉絲(Knotgrass) 以及費莉桃(Flittle),而佢哋三位係有照顧住愛洛公主(Princess Aurora) 嘅長大,可惜佢哋係呢齣電影入面反而係越幫越衰。相信睇過嘅讀者都會知道「黑魔后」其實喺暗中照顧住愛洛公主。喺呢度亦都睇到動畫同真人電影嘅分別。

「魔龍」係Maleficent 嘅其中一個主要象徽,但導演羅拔史托伯格(Robert Stromberg) 就刻意將兩者分開,呢度都令觀眾留下較為深刻嘅印象。


"There is an evil in this world"

仇恨與財富令到衝突發生,相信呢個係導演想觀眾反思嘅其中一個地方。雖然「黑魔后」係一位奸角,但係令到佢成為奸角嘅人正正就係佢昔日嘅「朋友」史帝芬國王(King Stefan),而呢一切都係佢對權力嘅渴求。

由此可見,呢一點正正就係呢個魔咒嘅起源!


真愛的定義

雪人小白(Olaf) 喺 《魔雪奇緣》(FROZEN) 入面曾經講過:「An act of true love will thaw a frozen heart」!真愛唔一定只係情侶之間,喺身邊關心您嘅人亦都係真愛嘅表現。

究竟菲臘王子(Prince Phillip) 係咪真係可以救到公主呢?



Disney

沒有留言 :

張貼留言