Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2014年6月29日 星期日

「晶荷軒 — 薈萃細味之旅」("A Delightful Culinary Journey at Crystal Lotus") —— 欣賞精緻如畫的菜式!

講到要食中菜,大家除咗可以去「廣場飯店」飲茶之外,位於香港迪士尼樂園酒店(Hong Kong Disneyland Hotel)裡面嘅「晶荷軒」餐廳(Crystal Lotus)亦都係另一個唔錯嘅選擇!香港迪士尼樂園度假區(Hong Kong Disneyland Resort)嘅「奇妙處處通」(Magic Access)就喺6月20至22日以及28日邀請咗部分嘅「奇妙處處通」會員喺晚上7點至9點期間到「晶荷軒」參加呢個名為「晶荷軒 — 薈萃細味之旅」嘅活動。


「晶荷軒」係現時喺度假區兩間主題酒店入面唯一嘅中菜廳,當中會提供粵、京、川、滬嘅菜式。作為一間喺奇妙王國入面嘅中菜廳,餐廳嘅大廚更加會為賓客炮製如米奇煎薄餅、「迪士尼小熊Duffy」紅豆蓉包等等嘅迪士尼點心添!


「晶荷軒」以荷花作為主題,喺餐廳裡面更加佈滿咗2238朵荷花裝飾,而餐廳嘅大型吊燈就包含咗268朵荷花,呢啲咁吉祥嘅數字正正代表住「財源滾滾來」嘅意思,的確好好意頭!除此之外,餐廳亦具備中國傳統五行嘅元素,大家可以透過餐廳入面嘅顏色以及裝飾揾到「金」、「木」、「水」、「火」以及「土」呢五個元素。


為隆重其事,園方喺今次嘅活動入面就邀請咗著名嘅電台DJ Joker Rita小姐擔任主持人,而「晶荷軒」總廚梁樹華先生更加喺活動中途時間到場向各位「奇妙處處通」會員介紹今晚嘅菜式添!


~「金箔鮮元貝粉皮」~
~ "Chilled Scallop and Rice Flour Sheet Salad" ~
為今晚盛宴打響頭炮嘅係前菜「金箔鮮元貝粉皮」,呢道菜式以玻璃杯盛載住晶瑩剔透嘅粉皮,再配上特製嘅麻醬就令到粉皮更加美味可囗。

此外,粉皮上面亦都放有金箔、薄荷葉、青瓜以及鮮元貝,當中為菜式嘅賣相加咗唔少嘅分數。


~《椰皇金湯海中寶》(酥皮椰皇海鮮濃湯)~
~ "Braised Seafood Soup in King Coconut" ~
第二道菜式係以酥皮包裹椰子嘅開口位「椰皇金湯海中寶」。

當大家睇清楚啲嘅時候會發現喺酥皮嘅頂部會有一個「隠藏米奇」添!

大廚起碼用咗半個鐘頭嘅時間去製作呢個海鮮濃湯,當中放有鮮帶子以及蝦肉等嘅海鮮喺入面,味道清甜可口。除此之外,「椰皇金湯海中寶」更加喺2011年榮獲由香港旅遊發展局主辦嘅「美食之最大賞」「羹組」金獎,真係實至名歸!


~《雙龍吐珠(芒果龍蝦酥 拼 干燒明蝦球)~
~ "Baked Lobster and Mango Puff with Wok-fried King Prawn" ~
第三道菜式名為《雙龍吐珠》,當中由兩款美食所組成。

龍蝦嘅身體係芒果龍蝦酥,香甜嘅芒果再加上龍蝦肉確實係好美味。

而干燒明蝦球再配上帶有甜酸味道嘅醬汁的確令人更加開胃,值得一讚!


~《如魚得水~
~ "Twin Fish Dumplings in Lotus Pond" ~
(蝦肉和石斑肉餃)
(Fresh Grouper Fillet and Shrimp Dumplings in Light Broth)
終於到咗「重頭戲」喇!第四道菜式名為《如魚得水》,呢道菜式係2009年榮獲香港旅遊發展局所頒授嘅「美食之最大賞」 「點心組」至高榮譽金獎,菜式嘅外觀美如一幅圖畫,絕對係用心之作!

菜式上面嘅兩隻金魚餃分別由蝦肉以及石斑肉(又稱為東星班肉)所製成。梁樹華先生提到,金魚餃由外到內全部都係用人手做出嚟,而金魚餃嘅外觀亦都花咗唔少嘅功夫,實在值得榮獲呢項殊榮!

菜式上面嘅荷葉由冬瓜所製成,而荷葉上嘅蓮藕就由酥皮以及豬肉餡所製成。另外,碟上嘅湯汁令到呢道菜式更能帶出池塘嘅效果。

您又捨唔捨得食落肚呢?


~「原隻鮑魚炒飯」(原隻鮑魚配蟹肉瑤柱炒飯)~
~ "Abalone Fried Rice" ~
第五道菜式係喺近期先至新增咗喺菜牌上面嘅「原隻鮑魚炒飯」,因為餐廳經理Alex 提到喺先前只有貴賓或者係舉辦特別宴會嘅時候先至會提供呢道菜式。

菜式上面嘅鮑汁配上蟹肉瑤柱炒飯令到呢道菜式更加入味。


~《白玉逢金露~
~ "Golden Floating Ice Mountain" ~
(楊枝甘露 拼 椰汁凍糕)
(Chilled Pomelo, Sago Pearls, and Mango Puree with Chilled Coconut Cone)
嚟到甜品喇!楊枝甘露再加上椰汁凍糕令到甜品嘅味道清甜可口,為今次嘅盛宴劃上甜美嘅句號。

值得推薦呢個甜品俾大家!


今次嘅活動真係大飽口福!本blog 亦特此感謝香港迪士尼樂園度假區嘅邀請。
 #hkdisneyland #CrystalLotus #MagicAccess

查詢及訂座,請致電:+852 3510-6000



歡迎大家重温以下兩篇特選網誌:





Hong Kong Disneyland Resort

沒有留言 :

張貼留言