Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2014年7月11日 星期五

立法會財務委員會會議 (2014年7月11日):香港迪士尼樂園度假區新酒店發展計劃已經獲得通過!

園方喺今年二月十七日嘅時候就公佈咗興建新酒店(第三間酒店) 嘅計劃,而相關項目已經喺今日(2014年7月11日) 嘅財務委員會會議上面獲得通過。


根據會議嘅公開文件,香港政府會提供最多八億八百五十萬元貸款,並透過以債換股,向香港國際主題樂園有限公司注資十七億元。新酒店設有3間主題餐廳、1 間商品店、戶外游泳池以及康樂區,其估計成本為42 億6,300 萬元。

喺上星期五(2014年7月4日) 晚上嘅會議入面,香港迪士尼樂園度假區行政總裁金民豪(Andrew KAM) 先生、香港迪士尼樂園度假區營運副總裁李登海(Damien LEE) 先生 以及 香港迪士尼樂園度假區公共事務副總裁蔡少綿(Linda CHOY) 女士喺當日就到達立法會出席財務委員會會議,當中有議員就注資安排提出唔同嘅問題,而有議員喺會入面曾經質疑港府係咪需要喺度假區已經錄得盈利嘅情况之下注資興建第三間酒店。另外,金民豪(Andrew KAM) 先生亦有引用「世界主題娛樂協會」(Themed Entertainment Association) 喺今年6月初所公佈嘅 2013年度報告內容(歡迎 按此 重温相關網誌) 以讓議員了解度假區喺亞洲地區入面嘅優勢。當晚嘅會議因為時間所限而未能夠完成相關嘅審議,會議需要延至今日繼續處理呢個議案。

喺今日(2014年7月11日) 下午嘅會議入面,香港迪士尼樂園度假區營運副總裁李登海(Damien LEE) 先生 以及 香港迪士尼樂園度假區公共事務副總裁蔡少綿(Linda CHOY) 女士喺今日就到達立法會出席財務委員會會議。會議入面有議員提出有關以債換股安排後所得到嘅回報以及利息損失嘅問題。另外,旅遊事務專員容偉雄先生強調當局並非要求注資,而係採用借貸模式。基於政府與華特迪士尼公司之間嘅商業協議,旅遊事務副專員羅淑佩小姐表示未能披露過去政府向迪士尼貸款嘅利息收入數字。

相關議案喺最終以39票贊成以及8票反對嘅情況下獲得通過。


2008至2013 財政年度 酒店綜合入住率


計劃預算成本分項數字


參考資料 (References):

1. 立法會財務委員會 討論文件   (2014年5月2日)

2. 立法會財務委員會 會議內容  (2014年7月4日 及 11日)

3. 財委會審議為迪士尼注資興建第三間酒店 (來自:商業電台)

4. 田北辰支持港府注資迪士尼 (來自:《新報》)

5. 財委會仍審議迪士尼樂園建新酒店融資安排 (來自:商業電台)

6. 財委會審理積壓議程 首議迪士尼酒店發展 (來自:on.cc 東方互動)

7. 財委會花約個半小時完成審議向迪士尼注資安排 (來自:商業電台)


圖片 (Photos):Disney, Hong Kong Disneyland Resort, now TV, 立法會



歡迎大家前往重温其它與上述內容相關嘅網誌:


1. 經濟發展事務委員會會議 (2014年2月24日):香港迪士尼樂園最新進展報告

2. 香港迪士尼樂園業績連續第四年創新高

3. 香港迪士尼樂園度假區公佈 2013年財政年度業績



Hong Kong Disneyland Resort

沒有留言 :

張貼留言