Blog Banners

歡迎到訪本網誌!  |  Welcome to visit this blog!

2014年7月29日 星期二

電影觀後分享:《飛機總動員 2:救火大行動》

電影《飛機總動員 2:救火大行動》(PLANES:FIRE & RESCUE)已經正式上畫喇!唔知道大家又睇咗未呢?嚟到本blog《電影觀後分享》系列嘅第三篇網誌,今次就同大家分享一下《飛機總動員 2:救火大行動》嘅觀後感。

注意!以下內容含有劇透成份,keep "magic" 者敬請留意!



向救火英雄致敬

今集嘅故事以救火英雄作為主題以及向一眾消防員致敬,而大家喺片頭嘅時候亦都會見到一句相關嘅開場白,再加上喺電影入面嘅布斯基(PULASKI)其實係向喺1910年愛達荷州一場大火災入面嘅救火英雄致敬,從以上呢兩點都可以睇到今集嘅其中一個重點。另外,喺電影入面所出現嘅消防交通工具都係有根有據,例如農藥飛機曾經有用嚟救火等等。


迫真場景

今集嘅主要場景係一個國家公園,由當中嘅一草一木到火災場景都做得相當迫真,相信製作人員都花咗唔少嘅功夫喺入面。


人生嘅第二次機會

德仔因機件故障而冇得再去比賽,再加上佢因一次嘅衝動導致家鄉一幢建築物發生大火,而呢次火災亦睇到「水螺旋鎮」需要多一位消防員去保障居民嘅安全。冠軍飛機德仔因而去到「活塞山飛行救援機地」成為一架消防飛機。人生有時會遇到唔順意嘅事情,相信導演希望透過呢齣電影嚟鼓勵大家唔好咁快放棄,有時候第二嘅機會可能為您帶嚟新嘅方向。


「復活蛋」時間

今集亦都係同迪士尼•彼思《反斗車王》(Cars)系列一樣係屬於同一個世界,而大家仲可以喺今集入面見到相關嘅角色,記得要落足眼力喇!



Disney

沒有留言 :

張貼留言