Blog Banners

歡迎到訪本網誌!  |  Welcome to visit this blog! 現正上映:《加勒比海盜:惡靈啟航》  |  Now Showing: 'Pirates of the Caribbean: Dead Men Tell No Tales' 《星球大戰:最後絕地武士》  |  'Star Wars: The Last Jedi' 巴黎迪士尼樂園 25週年慶典  |  Disneyland Paris 25th Anniversary Celebration

2014年8月10日 星期日

電影觀後分享:《銀河守護隊》

MARVEL《銀河守護隊》(Guardians of the Galaxy)已經正式上畫喇!唔知道大家又睇咗未呢?嚟到本blog《電影觀後分享》系列嘅第四篇網誌,今次就同大家分享一下《銀河守護隊》嘅觀後感。



注意!以下內容含有劇透成,keep "magic" 者敬請留意!

 
非一般的超級英雄
今次嘅五位主角其實唔係第一次同大家見面,呢五位英雄最初出現喺1969年1月所發行嘅第18期《Marvel Super-Heroes》漫畫裡面,其後佢哋就喺2008年5月所發行嘅第1期  《Guardians of the Galaxy》漫畫裡面以全新嘅造型亮相,而導演占士根(James Gunn)就以2008年嘅版本作為藍本嚟創造出呢個電影版嘅故事。講返呢齣電影,戲中五位主角均有唔同嘅背景,再加上佢哋唔同一般嘅超級英雄喺開始嘅時候係擔當住維持正義嘅角色。雖然如此,但係導演則喺電影入面透過人物之間嘅對話以及特定嘅場景嚟向觀眾交代佢哋嘅背景。


地球到外太空
《銀河守護隊》主要以外太空作為背景,之不過呢齣電影有別於其它科幻電影,除咗「星爵」係嚟自地球之外,另一個重點就係導演刻意安排喺唔同嘅情節播放70年代嘅歌曲,而呢一點正正令到觀眾可以喺幻想同現實之間遊走,當中亦都令觀眾更加容易去理解故事嘅發展。

唔知道您又最鍾意邊首喺電影入面所播放過嘅70年代歌曲呢?



片尾片段
相信各位有睇開Marvel Studios 所出品嘅電影嘅讀者都會留守都最後睇片尾片段。

今次有Marvel 其中一位經典角色Howard the Duck 以CG 動畫形式喺片尾嘅驚喜登場!唔知道佢有冇機會再次喺大銀幕同大家見面呢?

順帶一提,官方已經正式公佈咗將會喺2017年推出《銀河守護隊》嘅續集,由於喺漫畫版嘅《銀河守護隊》入面唔止有五位成員咁少,唔知道下一集會唔會見到其餘嘅成員呢?



Disney, Marvel

沒有留言 :

張貼留言