Blog Banners

歡迎到訪本網誌!  |  Welcome to visit this blog!

2014年12月19日 星期五

「迪士尼雪亮聖誕 2014」之 戲偶劇場!

樂園喺今年嘅「迪士尼雪亮聖誕 2014」(Disney Sparkling Christmas 2014)節慶活動入面再度推出「戲偶劇場」(Puppets in the Park)嚟同大家講述唔同嘅迪士尼故事。今年一共有三個劇場,佢哋分別設置喺「幻想世界」、「灰熊山谷」以及「反斗奇兵大本營」,而設喺「幻想世界」嘅劇場係今年新增嘅劇場。


「幻想世界」:「雪人小白尋找夏天之旅」
Fantasyland“Olaf Search For Summer”

「雪人小白尋找夏天之旅」位於「米奇幻想曲」入口處旁邊嘅位置,由於表演時間有機會更改嘅關係,所以大家記得留意當日所張貼嘅演出時間呀!

對於雪人小白(Olaf)嚟講,「夏天」呢一個季節係佢人生中最鍾意嘅嘢,而大家將會喺劇場入面見到馴鹿斯特(Sven)以及一班小白喺尋找夏天嘅時候所認識到嘅新朋友。

如有興趣了解整個故事的話,歡迎大家觀看以下嘅影片:



「灰熊山谷」:「友誼的禮物」
Grizzly Gulch:“The Gift of Friendship”

今個冬季,一班西部旅客喺今年再次嚟到「灰熊山谷」為大家呈獻「灰熊手偶劇場」,今年嘅故事延續咗上一年嘅元素,唔知道大家仲記唔記得果一棵「聖誕樹」呢?

「熊寶寶」“Nugget” 喺今年就希望同一班老友一齊慶祝聖誕,究竟佢嘅新願望可唔可以成真呢?咁就留待大家去欣賞呢個表演喇!

又落雪喇!



「反斗奇兵大本營」:「反斗劇場」
Toy Story Land”:“Andy’s Theater
各位玩具」準備好再次喺安仔嘅後花園聽故事未呢?

一班「玩具」朋友已經準備好三個故事同大家分享,各位「小玩具」仲有機會獲邀上台參與演出㗎!


為俾各位玩具有更多嘅空間去表演,安仔喺今年聖誕就搵咗一個比上年較大嘅紙皮箱嚟做一個全新嘅戲偶劇場。

各位記得留意每日嘅演出時間呀!


今年一共有三個由玩具朋友主演嘅劇場表演,佢哋分別為由警長胡迪所主演嘅《悍匪逃獄》、由巴斯光年主演嘅《太空戰士大件事》以及由抱抱龍主演嘅《紅色英勇勳章》(The Red Badge of Courage),抱抱龍嘅故事為今年新增嘅劇場表演,而胡迪以及巴斯光年嘅故事則為再度登場嘅劇場表演。

《紅色英勇勳章》

《太空戰士大件事》

《悍匪逃獄》


Hong Kong Disneyland Resort

沒有留言 :

張貼留言