今年聖誕，大家除咗可以入樂園或者去「青衣城」感受《魔雪奇緣》嘅氣氛之外，各位亦都可以嚟到樂富廣場一齊慶祝香港「迪士尼頻道」（Disney Channel Hong Kong）10週年！
~「領匯．Disney Channel 奇妙十年 聖誕派對」 ~
Disney Channel Hong Kong 於今年舉辦咗一連串慶祝活動，而「重頭戲」莫過於係呢個聖誕派對。大家可以由即日起至2015年1月18日（星期日）期間嚟到樂富廣場 A區以及 B區 參加呢個派對。順帶一提，位於派對卡通區內嘅遊樂設施會喺 星期一至五 下午5時至晚上9時 以及 星期六及公眾假期 中午12時至晚上9時 開放，敬請各位留意。
「奇妙十年聖誕樹」
呢棵「奇妙十年聖誕樹」係全亞洲首棵可以播放Disney Channel 節目嘅8米高巨型聖誕樹，樹上仲放有多位「迪士尼朋友」嘅毛公仔添！
是次派對嘅遊樂設施主要集中喺 B區嘅露天平台。
而場內仲設有亞洲首個戶外全天候免費播放 Disney Channel劇集嘅巨型舞台以及唔同嘅影相位。
「《星際寶貝：神奇大冒險》卡通區」
「《小公主蘇菲亞》皇室花園」
「《飛哥與發仔》瘋狂實驗室」
「《反斗奇兵》安仔之家」
「《米奇歡笑多》冰雪滑梯」
「《反斗車王》冠軍賽車場」
「Disney Channel 十週年回憶長廊」
位於「《反斗車王》冠軍賽車場」內仲設有呢一條回憶長廊，當中顯示咗多個經典嘅電視節目以及重要嘅里程碑。
本blog 於較早前同大家分享過Disney Channel 將會換上全新嘅標誌，北美地區嘅Disney Channel 已經換上新logo，而官方喺會場透露本港嘅Disney Channel 將會喺明年三月換上全新嘅形象。
奇妙十年 伴你同行
~「香港玩具博物館」：「迪士尼主題玩具珍藏展」~
與此同時，大家仲可以由即日起至2015年1月18日（星期日）期間去到樂富廣場 A區3樓嘅「香港玩具博物館」欣賞多件限時展出嘅迪士尼收藏品，當中包括玩具、鐘錶、光碟、樂園徽章以及擺設等等。
收藏品一覽：
另外，場內嘅其它展區亦放置咗彭順導演歷年嘅私人珍藏，當中仲有迪士尼、《星球大戰》以及Marvel 嘅玩具添！
Disney, Disney Channel Hong Kong
COMMENTS