Blog Banners

歡迎到訪本網誌!  |  Welcome to visit this blog!

2013年12月19日 星期四

迪士尼《魔雪奇緣》(Frozen) 於今日正式上映喇!

迪士尼《魔雪奇緣》(Frozen) 於今日喺本港正式上映喇!您哋準備去展開冰極大冒險未呢?



而喺開始之前會先放映一段經典嘅復古式黑白動畫"Get A Horse"!


迪士尼《魔雪奇緣》同場加映短片《米奇拯救米妮大作戰》,將傳統黑白手繪動畫結合3D特技及先進電腦技術;由最經典嘅米奇同米妮擔任主角,仲有華特迪士尼先生親自聲演米奇添!


電影嘅黑白手繪風格參考自1928年米奇首年誕生嘅短片,製作人員仲搜尋過往每一部由華特迪士尼聲演嘅米奇短片,從中搵出合適對白放入呢部新作之中,造就華特迪士尼58年來首部聲演「新作」。


《魔雪奇緣》角色concept arts:


官方簡介:
       迪士尼動畫繼大受歡迎的《魔髮奇緣》和《無敵破壞王》之後,最新3D 動畫鉅製《冰雪奇緣》再展魔幻法力,由《無敵破壞王》編劇 Jennifer Lee 聯同曾執導金像提名動畫的的 Chris Buck 擔任導演,合力打造超越想像的奇幻冰封世界,展開魔法層出不窮、旅程峰迴路轉的冰天大冒險!

       一個急凍詛咒,令一個美好王國長期陷於冰天雪地之中。為了拯救王國,勇敢樂觀的女孩安娜(Anna)決定夥同山中勇士基斯托夫(Kristoff) 和他的馴鹿拍檔斯特(Sven),展開一段挑戰極險、與魔法交鋒的冒險之旅,以尋找安娜的姊姊「白雪皇后」愛莎(Elsa),原來冰封之咒正是由她所施!途中他們遇上搞笑的神奇雪人、各式奇幻精靈、意想不到的魔法迷陣,在雪崩冰裂中一步一驚心⋯⋯他們最終能否及時挽救即將滅亡的王國?


劇照:


值得一提,片中嘅場景係來自挪威呢個地方,而製作團隊亦都有去過挪威嚟獲取靈感。


觀後感:

請注意!以下內容含有劇透成分,若希望"keep magic" 嘅讀者可於稍後再閱讀以下嘅內容。


       在"Get A Horse" 方面,有Walt Disney 親自配音當然好興奮。如果大家想聽到Walt Disney 為Mickey 配音的話,本blog 強烈建議大家睇英文原聲版本。動畫入面嘅3D 效果做得唔錯,而大家亦會見到Marvel 嘅元素喺片中。

       在《魔雪奇緣》嘅内容方面,當中既保留迪士尼電影嘅經典元素,其內容亦都為童話故事帶來了新嘅方向。公主一定就係同王子喺埋一齊?真愛嘅定義又係咪只限於情侶呢?相信呢套電影解答到呢幾條問題,而大家亦會估唔到真正嘅壞蛋就係佢!佢係邊個?等大家自己開估喇!


       在《魔雪奇緣》嘅音樂方面,兩首主題曲會以不同的旋律在電影中出現,喺人物與場景配合下更表達出不同效果,記得留意埋背景音樂呀!


       另外,喺片中亦包含咗兩個隱藏嘅樂趣,當中包括大家將會喺片中見到熟悉嘅老朋友。

        唔知道大家有冇發現到安娜公主(Princess Anna) 食過嗰啲朱古力係來自《無敵破壞王》中嘅《Sugar Rush》遊戲呢?



順帶一提,《魔雪奇緣》亦喺第71屆金球獎以及第41屆安妮獎獲得多個獎項嘅提名!恭喜恭喜


仲有,本blog 嘅編輯於早前有幸參與為《魔雪奇緣》進行配音嘅奇妙體驗。歡迎大家 按此 瀏覽相關嘅網誌!


Let it go, let it go!



今日    冰天鉅獻



Disney. All Rights Reserved.

沒有留言 :

張貼留言